Ubisoft ofrece de balde Assassin’s Creed III para PC
mércores, 7 de decembro do 2016
Dende o mes de xuño Ubisoft comezou a celebrar o seu 30º
aniversario regalando un xogo de balde a través do Ubisoft Club, de
xeito que os usuarios que o desexen poderán incorporalos á súa biblioteca de
xogos para PC en Uplay, comezando
polo clásico Prince of Persia: The Sands
of Time, aos que seguiron Spinter
Cell, Rayman Origins, The Crew, Beyond Good & Evil e Far
Cry 3: Blood Dragon, para pór peche á promoción todo un tÃtulo de primeira
liña: Assassin’s Creed III.
Durante preto dun mes será posible acceder a esta promoción de Ubisoft para poder
gozar de Assassin’s Creed III para PC
completamente de balde, xogo que levou a acción ao outro lado do Atlántico (en
plena Guerra da Independencia dos EE.UU.), o que provocou certo rexeitamento
por parte do público (afeito a unha ambientación máis clásica), pero que por outra banda foi o que estreou un modo de
xogo naval que provocou que Assassin’s
Creed IV: Black Flag fose un xogo de piratas.
- O protagonista de Assassin’s Creed III é un nativo americano en plena Guerra da Independencia