Un informe sobre os adolescentes británicos reflicte o seu afastamento dos medios de comunicación tradicionais
luns, 13 de xullo do 2009
A firma Morgan Stanley
aproveitou que contaba
co mozo de 15 anos Matthew Robson coma bolseiro para pedirlle que elabore
un informe sobre os hábitos dos mozos da súa idade (descargable
en formato PDF), que achegou unha serie de datos que consideraron tan
importantes como para publicalos, pese a que non gozan de rigor estatÃstico.
Entre os detalles que comenta Robson están que os mozos non empregan Twitter
porque actualizar o servizo dende o móbil custa cartos (polo que tampouco
serÃan visibles as súas actualizacións), a televisión ten pouca importancia, a
radio tradicional perde pulo fronte a servizos coma Last.fm, deixan totalmente
de lado á prensa escrita e centran o seu lecer no cine, os concertos e as
consolas de videoxogos (sendo estas últimas tamén un atractivo instrumento para
falar cos amigos).
O feito de considerar que os medios tradicionais como a televisión, a radio ou
a prensa son prescindibles indican que para achegarse á mocidade hai que
utilizar novos métodos, aÃnda que haberá que ver se esta tendencia mantense segundo
os mozos van medrando.
Pero afastarse dos medios tradicionais non implica sempre fuxir dos seus
contidos, de xeito que os
mozos británicos si ven series de ficción coma Psychoville a través de iPlayer, pero o que abandonan son as
grellas das canles televisivas e o propio televisor.