WhatsApp volve operar no Brasil
mércores, 4 de maio do 2016
A histórica repítese, e como aconteceu co bloqueo a WhatsApp
no Brasil o pasado mes de decembro, o
bloqueo desta semana, determinado para 72 horas, levantouse ao pasaren 24, e
a maxistrada do Consello Nacional de Xustiza, Fátima Nancy Andrighi, irá máis
aló e analiza
se o xuíz Marcel Maia Montalvão, quen ordenara o bloqueo, cometera un abuso de
poder na súa decisión.
A apertura dunha reclamación disciplinar contra o xuíz estudará se houbo abuso
de poder pola práctica dun “acto exacerbado que supere o límite do razoable”, o
que parece que é o caso, xa que bloquear un servizo de telecomunicacións a 100 millóns
de usuarios por mor dun conflito entre as autoridades xudiciais e unha compañía
estranxeira parece a todas luces esaxerado, especialmente se temos en conta que
WhatsApp leva tempo insistindo no feito de que non pode subministrar ao xuíz a
información que solicita porque carecen da mesma. WhatsApp non gardar
históricos das mensaxes dos seus usuarios, polo que non pode facilitar as
autoridades copias de comunicacións ante investigacións policiais, polo que as
represalias xudiciais parecen totalmente fóra de lugar.