Xornada de eAdministración para PEME na Cámara de Comercio de Santiago
mércores, 15 de abril do 2015
Santiago acolle este
xoves un novo encontro sobre os camiños e feituras que van tomar os
nosos xeitos de relacionarnos como empresas coas institucións
públicas e os métodos TIC usados por estas para seren máis áxiles,
eficientes e sustentábeis. A
Xornada sobre o Fomento da Administración Electrónica nas PEME e
autónomos vén da man da Cámara de Comercio de Santiago en
colaboración co Concello. A inauguración correrá a cargo de
Jesus Asorey, presidente da entidade cameral, e Reyes Leis,
concelleira de EconomÃa. O evento (de balde) desenvólvese a partir
das 11.00 horas na sede da Cámara na rúa San Pedro de Mezonzo.
O obxectivo é dar a
coñecer os usos da factura electrónica entre as pequenas e medianas
empresas, microempresas e autónomos da área de Santiago e as
ferramentas do Programa eAdministración. A xornada estará impartida
pola técnica da Axencia Tributaria (AEAT), Raquel Boiza, o
coordinador nacional do Programa eAdministración da Cámara de
España, Juan Miguel Cuellar, a directora xeral de Camerfirma,
Rosario Márquez, e o director xeral de Coloriuris, Pedro J. Canut.