Presentan en Compostela a Enciclopedia Galega Universal en Internet
xoves, 10 de xullo do 2008
A Enciclopedia Galega Universal en Internet de Ir
Indo vén de presentarse oficialmente en Santiago de Compostela, polo que o
proxecto dirixido por Bieito Ledo encamiñado a difundir a través da web toda a
información posible referente ao coñecemento universal na nosa lingua xa é unha
realidade.
Esta nova obra virtual está na súa fase beta 1.0 e xa ofrece máis de 200.000
entradas actualizadas, 20.000 mapas, 50.000 fotografÃas, material didáctico
para profesores e alumnos, ademais de varios xogos e concurso.
Cómpre destacar que a nova páxina web incorpora tecnoloxÃa text-to-speech achegada por Verbio, que permite a lectura a viva
voz das entradas máis curtas, facilitando asà a accesibilidade a persoas con
problemas de visión.
A presentación desta nova obra en formato electrónico contou coa presenza de
Bieito Ledo, director da obra; Senén Barro, reitor da Universidade de Santiago
de Compostela; Ramón Villares, presidente do Consello da Cultura Galega; Helena
Veiguela, directora xeral de Promoción Industrial e da Sociedade da Información;
e Anxo
Quintana, vicepresidente da Xunta de Galicia, asegurou que a Enciclopedia
Galega Universal en Internet será unha obra pioneira que suporá un
antes e un despois para a presenza de Galicia e do noso patrimonio cultural e
lingüÃstico na Sociedade da Información.
Quintana tamén destacou a necesidade de que «a nosa cultura e a nosa lingua sexan accesibles
dende calquera parte do planeta, se queremos que sexan o sinal de identidade de
Galiza no mundo global», polo que cómpre aproveitar esta
oportunidade de xerar contidos galegos e en galego para corrixir a impresión de
máis do 62% das persoas consultadas por unha enquisa do OGSI, que consideraban
que a presenza de contidos en galego era baixa ou moi baixa.