A compañía aérea irlandesa Ryanair rexeitará as compras que efectúen algúns dos principais maioristas turísticos por Internet coas súas tarxetas de crédito e, asemade, bloqueará a venda dos seus billetes a varias axencias de viaxes na rede por aumentar os prezos dos seus voos en máis dun 100 por cento. De feito, a compañía deixará de venderlle billetes ás axencias virtuais Lastminute.com, Global Holidays, Flights Direct e Ebookers, ás que acusou de “timar ós pasaxeiros e dobrar decote o prezo dos voos”.
O xefe de prensa de Ryanair, Peter Sherrard advertiu que “os pasaxeiros deberían evitar esta clase de touropeadores porque cobran aumentos desorbitados e enganan ós seus pasaxeiros”.
Asemade, a compañía de voo sostén que estas axencias de viaxes non achegan termos e condicións correctos, non avisan ós pasaxeiros dos cambios de horarios, néganlles a posibilidade de facturar as maletas vía Internet e non ofrecen a opción de mercar os billetes con embarque prioritario. A aeroliña tamén sinalou que os seus voos só estarán dispoñibles na súa páxina web ryanair.com, aínda que esta medida non lle afectará ós pasaxes reservados anteriormente.
Ryanair non venderá máis billetes á algunhas axencias de viaxes virtuais
Compartir Este Artigo
- A Xunta resolve máis da metade das incidencias informáticas do persoal en menos dunha hora
- A Xunta destaca o papel das aulas CeMIT como espazos de proximidade para a capacitación dixital, a experimentación tecnolóxica e a cohesión comunitaria
- A Xunta garante o acceso universal á administración electrónica coa creación da figura do persoal funcionario habilitado
- A Estratexia Galicia Dixital 2030 mobilizou máis de 390 millóns de Euros en 2025 e consolidou novos avances na transformación dixital de Galicia
