O móbil Nokia N81 destaca polas súas funcións multimedia e de xogo

O Nokia N81 é un novo terminal do fabricante finlandés que se presenta nunha versión estándar (con soporte de tarxetas de memoria microSD de ata 2 Gb) e outra con 8 Gb de almacenamento interno, que non só serve coma un excelente reprodutor multimedia, senón que tamén ten funcións de videoxogo (para o que teñen unha disposición de teclas optimizada).
O móbil mide 102 x 50 x 17,9 mm, e pesa 130 gramos, presentando unha pantalla de 2,4 polgadas cunha resolución de 320 x 240 píxeles, contando tanto con toma para auriculares coma un sintonizador de radio FM, de xeito que coma reprodutor multimedia portátil xa resulta moi interesante, pero que non por iso deixa de contar con conectividade 3G e Wi-Fi, agardando que se comercialice no último trimestre do ano a un prezo de 360 euros a versión básica e 430 euros a versión de 8 Gb (prezos sen contar con impostos nin coas subvencións das operadoras de telefonía móbil).