Pagan 7.000 euros por un personaxe de WoW

Aínda que os responsables de Blizzard intentan evitar que se comercie con contidos do seu mundo virtual World of Warcraft, os xogadores non poden resistir a tentación de vender os seus perfiles de xogador a outros iniciados que queren evitar un lento avance no xogo e comezar xa a un nivel elevado, pero esta semana sabemos dun caso realmente abraiante, xa que venderon un personaxe do xogo por 7.000 euros.
O personaxe vendido era un pícaro (rogue) coas 2 espadas lendarias de Illidan Stormrage, e o comprador o mudou de servidor (de Sylvanas a Kazzak) aínda que non o empregou o 3 de setembro, polo que se rumorea que o personaxe podería ter sido vetado precisamente por adquirirse dun xeito ilexítimo (as normas do xogo prohiben expresamente a venda de contas de usuario).