Coa chegada dos televisores de alta definición aos salóns domésticos as gravacións de vídeo caseiras en miniDV se ven como antes se miraba ás cintas VHS-C ou 8mm, polo que os fabricantes xa están a lanzar cámaras con capacidades de alta definición que no caso da nova Samsung VM-HMX20 parecen cubrir as expectativas de calquera consumidor non profesional, pois permite gravar en progresivo a 1.080 liñas a 30 fotogramas por segundo.
A cámara ten un sensor CMOS de 6,4 Mpíxeles cunha sensibilidade máxima de 3.200 ISO, estabilizador de imaxe e capacidade para gravar a 300 fotogramas por segundo durante 10 segundos (para facer escenas a cámara super-lenta). As gravacións rexístranse na súa memoria Flash interna de 8 Gb ou en tarxetas SD/SDHC.
Polo momento sairá á venda en Corea do Sur a 899.000 wons (557,44 euros) o que é un prezo bastante axustado para unhas prestacións sumamente atractivas.
A cámara Samsung VM-HMX20 permite gravar a 1.080p
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
