Os discos duros multimedia teñen cada vez máis en conta os novos formatos de vídeo que permite a reprodución en alta definición, e Digital Cowboy estrea así cunha carcasa para discos duros SATA de 2,5 polgadas que se pode comunicar co ordenador a través dun porto USB e que destaca por soportar os formatos MPEG-1/2/4 (incluíndo DivX, Xvid e MS-MPEG4), DVD-Video, MP3, WMA, Ogg Vorbis, WAV PCM, AAC, WMV9, WMV HD, AVI, ISO e outros, podendo presentar o seu contido a través das súas saídas por compoñentes, composto e HDMI, polo que se pode poden ver os vídeos nun televisor de alta definición cunha excelente calidade (ata 1.920 x 1.080 píxeles).
Polo momento o Movie Cowboy (DC_MC25U2) xa se vende no Xapón a 24,800 iens (152,97 euros) sen incluír o disco duro que se debe albergar no seu interior. A carcasa do disco duro está separada dunha base na que se inclúen as saídas de vídeo, o que resulta bastante práctico, pois a base pode permanecer conectada ao televisor doméstico, mentres que o disco duro se pode extraer para a carga de contidos dende un ordenador, evitando a desinstalación do cableado de audio e vídeo (e da toma de corrente).
A carcasa mide 76 x 126 x 18 milímetros e pesa 85 gramos, mentres que a base é de 128 x 110 x 98 milímetros e un peso de 258 gramos.
O Movie Cowboy permite reproducir vídeo de alta definición
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
