Un exemplar da revista Playboy serve como arma na nova entrega de Metal Gear Solid

Agora que o Metal Gear Solid 4 chega ás tendas españolas algúns xogadores se sorprenderán ao ver que o xogo inclúe unha curiosa arma consistente nun exemplar da revista Playboy, que se pode ler ao situar o punto de vista en primeira persoa, e que pode ser letal, xa que supón unha distracción que deixa vulnerable ao personaxe que consulte a publicación para adultos.
A descrición desta arma segundo o propio xogo suxire que se trata dun elemento «garantizado para atraer a atención de varóns de entre 18 e 80 anos» e na portada do exemplar incluso se chacotea facendo referencia a unha suposta entrevista a Hideo Kojima (creador da saga de Metal Gear Solid). Cómpre destacar que o uso de revistas eróticas no xogo era algo presente en anteriores entregas.

Vídeo de demostración da nova arma no xogo

Pero Playboy non é a única marca que aparece neste xogo, senón que tamén é posible atoparse cun iPod de 30 Gb, de xeito que o xogador pode utilizalo para escoitar música mentres masacra aos soldados inimigos.