Aínda que os xogos Metal Gear Solid 4 e Grand Theft Auto IV foron grandes impulsores das vendas da PlayStation 3 en todo o mundo, Sony ten moitas esperanzas na agardada creación que verá a luz no mes de outubro e que é LittleBitPlanet, un xogo de Media Molecule protagonizado por uns bonecos feitos de tea de saco que non estará tan dirixido aos xogadores hardcore senón que apostará por un público máis xeral.
O produtor do xogo, Eric Fong, declarou que «vai ser un vendeconsolas» pois este título exclusivo para PS3 que entra no xénero das plataformas ofrece moito máis, como a posibilidade de que os usuarios creen os seus propios contidos (coma niveis do xogo) polo que a diversión sería pouco menos que ilimitada.
A chegada de LittleBigPlanet tamén está a ser moi agardada polo mero feito de que se trata dunha novidade absoluta, xa que os últimos éxitos para as consolas de nova xeración se limitaron a ser secuelas de grandes sagas coma GTA, FIFA ou Guitar Hero.
Un dos diversos trailers do agardado LittleBigPlanet
Sony confía en que LittleBigPlanet dispare as vendas da PS3
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
