Os usuarios que queiran botar unha pachanga ao fútbol a través do ordenador poden aproveitar no que resta de verán de que o xogo Goal Or No Goal! (GONG!) está en fase de probas para o seu lanzamento en setembro (cando pasaría a ser un produto de pago, chegando no mes de decembro ás tendas en formato físico).
O orixinal xogo de fútbol combina o deporte rei con personaxes estilo manga, xogo en rede, comunidade en liña (os usuarios poderán relacionarse entre si coma noutros xogos en liña), personalización dos carácteres e moita diversión.
Para poder gozar de GONG! só temos que rexistrarnos na web do xogo, descargalo, elixir o noso personaxe e, tras un adestramento, comezar a participar en partidos de 3 contra 3, á vez que tamén se pode explorar unha cidade virtual e completar misións.
O xogo resulta bastante orixinal e a súa estética é moi atractiva, polo que un achegamento ao mesmo durante o seu período de balde resulta obrigado, especialmente polos que gusten de xogos casuais e da interacción dos títulos en rede.
Trailer do xogo
Novo xogo de fútbol en rede para xogar de balde durante as vindeiras semanas
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
