Sae á venta o xogo dos Transformers para Nintendo DS

Activision Publishing vén de anunciar que Transformers Animated: The Game, desenvolvido baixo licenza de Hasbro Inc., xa está dispoñible nos mercados de todo o país para permitirlles aos xogadores controlar aos seus personaxes de Autobot favoritos.
O xogo está baseado na serie de debuxos animados de televisión de Hasbro e Cartoon Network e consiste en traballar en equipo para recuperar os fragmentos perdidos da Chispa Suprema, a orixe de tódalas formas de vida de Transformers.
Transformers Animated: The Game súmase así ao éxito da serie de debuxos animados de Cartoon Network, trasladando o universo de Transformers a Nintendo DS e, segundo comentou o vicepresidente de xestión global de Activision, Kim Salzer, a compañía “está encantada de continuar colaborando con Hasbro e ofrecer outra experiencia de xogo interactiva e innovadora aos seguidores da saga”.
A aplicación inclúe plataformas, hoverbots controlados polos Decepticons, crebacabezas de desprazamento lateral e carreiras de coches miniatura. Os xogadores poderán cambiar ó instante de membro de equipo Autobot para resolver complicados crebacabezas en 20 niveis distintos e participar en carreiras no Detroit do século XXII, esquivando o tráfico mentres alternan entre as formas de robot e vehículo.