Lara Croft amplía o seu vestiario na Xbox 360

O xogo Tomb Raider Underworld está a incorporar contido descargable en forma de novo vestiario para a protagonista do xogo, Lara Croft, e así dende o 23 de decembro era posible descargar totalmente de balde o seu uniforme clásico ou a vestimenta que levaba en Tomb Raider Legend; e agora os usuarios Gold de Xbox LIVE poderán contar con dous novos vestidos para Lara, que desta volta corresponden a dous traxes acuáticos.
Estes traxes para a protagonista de videoxogos máis coñecida do mundo serán un adianto dos capítulos estendidos do de Tomb Raider Underworld (Beneath the Ashes e Lara’s Shadow) que se poderán adquirir (en exclusiva para Xbox 360) posiblemente no mes de xaneiro (aínda que non se concretou a súa data de lanzamento).