Prototype, a violencia de ser un mozo con superpoderes

Radical e Activision están a traballar nun xogo chamado Prototype para PC, Xbox 360 e PS3, que podería comezar a venderse no verán (estaba previsto o seu lanzamento para mediados de setembro), de aí que xa aproveitasen a celebración do CES para promocionar o produto do que pouco se sabía.
O xogo permite que o usuario tome o control dun amnésico Alex Mercer que resulta ter superpoderes, de xeito que emprende unha violenta aventura na que combina destrución, parkour e espectaculares habilidades (coma converter os brazos en coitelas) co obxecto de recuperar a súa memoria, aínda que o argumento parece que será o de menos, neste título que atrae pola súa aparencia visual.

Prototype presenta unha cidade aberta na que realizar distintas misións, podendo definir a este título como unha mestura de xogos coma Crackdown, Spider-Man ou Grand Theft Auto, ou iso podemos entender ao ver as imaxe que se publican do mesmo, así coma o seu novo trailer: