Pecha o estudo responsable de Duke Nukem Forever

En 1997 anunciouse o inicio do desenvolvemento do xogo Duke Nukem Forever, título que se resistía constantemente a chegar ao mercado, o que lle valeu a aparición na listaxe do vaporware do ano elaborada pola revista Wired nos anos 2000, 2001, 2002, 2003, 2005, 2006, 2007 e 2008, polo que sería o produto de fume máis destacable da década, e finalmente confírmanse os peores temores e o xogo está totalmente cancelado e o seu equipo de desenvolvemento, 3D Realms, cesaría a súa actividade.
O peche de 3D Realms non afectaría ao desenvolvemento de Duke Nukem Trilogy, pois sería responsabilidade de Apogee Software. Entendemos que 3D Realms chegou a esta situación ante a imposibilidade de acadar ingresos que permitisen manter ao seu cadro de persoal, e aínda que a compañía non fixo ningún comunicado especial, entendemos que o feito de que nos últimos anos non publicasen xogos elaborados por eles mesmos (Prey, a súa última produción, tivo que ser rematada por Human Head Studios) supuxo unha lousa sobre a compañía.

Trailer da nova Duke Nukem Trilogy