Fujitsu adapta un ultraportátil para o seu uso por cativos

O ultraportátil Lifebook T1010 de Fujitsu adáptase aos cativos de entre 2 e 10 anos grazas ao software Magic Desktop, que crea un contorno educativo, animado e seguro no que os nenos poden aprender a manexar o PC á vez que escriben, pintan ou fan exercicios de matemáticas.
Este Tablet PC conta cun procesador Core 2 Duo con tecnoloxía Intel Centrino 2, Windows Vista Business, Wi-Fi, Bluetooth, 3G, pantalla rotatoria bidireccional de 13,3 polgadas e apenas 2 quilos de peso.
Tamén inclúe unha ferramenta para que os pais poidan controlar o uso que os cativos fan da Internet ou incluso facer de coidadora virtual, para non deixar xogar aos nenos ata que rematen as súas tarefas.