Esta mañá Telefónica amosou no Mobile World Congress de Barcelona un prototipo do dispositivo 3GBox, un modem USB 3G compatible con HSPA + que permite velocidades de descarga de ata 21 Mbps e de subida de 5,76 Mbps e que tamén funciona coma unidade de memoria USB que en vez de gardar os contidos de xeito interno, fai uso dun sistema de almacenamento en liña de xeito transparente e cunha capacidade virtualmente ilimitada (999 Gb) apoiada por 2 Gb de memoria caché.
Actualmente os datos almacenados na unidade de memoria virtual só están dispoñibles ao conectar o 3GBox por USB, pero agárdase que cando saia ao mercado tamén poida accederse aos seus contidos vía web.
Como vén a ser habitual neste tipo de trebellos, o software a instalar no PC para o seu funcionamento instalarase automaticamente ao conectalo ao equipo.
Polo momento Telefónica non anunciou nin o prezo nin a data de lanzamento do 3GBox.
3GBox, un modem 3G cunha unidade de almacenamento virtual
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
