iiView M1Touch, un novo tablet con Windows 7

Aínda que parece existir certo consenso en que os últimos sistemas operativos actuais optimizados para un uso táctil sexan iPhone OS e Android, algúns fabricantes continúan a traballar en produtos noutras liñas, coma o iiView M1Touch, que será un tablet con pantalla multi-táctil de 10,1 polgadas cunha resolución de 1.024 x 600 píxeles, procesador Intel Atom N450 a 1,66 GHz, 2 Gb de RAM, 250 Gb de disco duro, webcam, USB, lector de tarxetas de memoria 4-en-1, acelerómetro, unhas dimensións de 289,6 x 150 x 20,3 milímetros, un peso de 1,2 quilos, unha autonomía de ata 3 horas e, sorprendentemente, o sistema operativo Windows 7 Home Premium.
O prezo deste dispositivo que dificilmente competirá co iPad, será duns 699 dólares de Singapur (401,89 euros), agardándose a súa chegada ao mercado para finais de mes.