Blusens lanza un reprodutor multimedia portátil con sintonizador de TDT

Para levar un pouco máis adiante os seus reprodutores multimedia portátiles, Blusens vén de estrear no mercado español os seus reprodutores Blusens P80, que en capacidades de 4 e 8 Gb (a 99,99 e 129 euros respectivamente), non só permite reproducir música (MP3, WMA, WAV, FLAC, AAC e OGG), vídeo (MPEG-4, AVI, MPEG, DAT, FLV, WMV, MP4, 3GP, ASF, RM e RMVB), visualizar imaxes (JPEG, BMP e GIF), ler textos, gravar voz e radio FM (en WAV), senón que tamén integra un sintonizador de TDT (con antena extraíble), de xeito que podemos ver a televisión na súa pantalla de 3,5 polgadas cunha resolución de 400 x 240 píxeles.
A autonomía do Blusens P80 é de 6 horas para a reprodución de vídeo e 21 horas para a reprodución de audio. Mide 7,1 x 11 x 1,5 centímetros e pesa 124 gramos.