Preparan un novo tablet alemán baseado en Android

Algúns fabricantes están a atreverse a competir co iPad de Apple, e a xermana E-Noa está a preparar o seu Interpad, un dispositivo tipo tablet con pantalla multi-táctil de 10 polgadas con sistema operativo Android 2.1, procesador de dobre núcleo Tegra 2 T20 a 1 GHz, 1 Gb de RAM, 16 Gb de memoria interna ampliable mediante tarxetas microSD, Wi-Fi, Bluetooth 2.1, USB 2.0, HDMI e batería de 3.900 mAh que podería dotalo dunha autonomía de entre 8 e 12 horas, de xeito que parece que parece superar moitas das barreiras que separa o iPad dun PC, que pretende venderse a finais de ano a 399 euros (aínda que podería estar dispoñible tamén unha versión con Android 2.2, GPS, cámara e 3G por menos de 500 euros).
As medidas do trebello son de 253 x 164 x 12,5 milímetros e pesa 660 gramos, de xeito que estaría moi na liña do tablet de Apple, coma poderá comprobarse en setembro na vindeira edición do IFA de Berlin.