Estamos en plena celebración do 25º aniversario do lanzamento do xogo Super Mario Bros, o que levou a Nintndo a confirmar o futuro lanzamento do xogo Super Mario Collection para Wii, que é un recompilatorio que inclúe os clásicos Super Mario Bros, Super Mario Bros 2, The Lost Levels e Super Mario Bros 3, coma xa fixeran en 1993 no xogo Super Mario All Stars de Super Nintendo, pero que desta volta incluirá tamén un libro coa historia da saga e un CD cunha selección de cancións de todas as entregas.
Polo momento está confirmado o prezo do xogo no Xapón, onde poderá mercarse por 2.500 iens (23,26 euros), pero resulta evidente que sairá en todos os mercados, pois é un título de éxito garantido coma demostrou a boa acollida de xogos coma Super Mario Kart Wii ou New Super Mario Bros Wii.
Anuncio televisivo do 25º aniversario de Super Mario Bros
Vídeo que repasa os 25 anos de vida de Super Mario Bros
