Confirman a volta da triloxía de Prince of Persia de PS2 na PS3

As reedicións de distintas triloxías clásicas de PS2 adaptadas á alta definición da PS3 van confirmándose, e Ubisoft vén de anunciar o lanzamento de Prince of Persia HD Collection, paquete que incluirá nun único disco Blu-ray adaptacións dos xogos da franquía de Prince of Persia que chegaron á PlayStation 2 (Las Arenas del Tiempo, El Alma del Guerrero e Las Dos coronas) que neste remake contarán con gráficos en alta definición a 720p, texturas renovadas, técnicas de suavizado e a posibilidade de xogarse en 3D de contarmos cun televisor compatible con tal tecnoloxía. Pese a estas melloras estes xogos non parecen ter envellecido moi ben segundo o que vemos nas primeiras imaxes dos mesmos.
Polo momento confírmase que Prince of Persia HD Collection chegará ao Reino Unido o 19 de novembro por 29,99 libras esterlinas (34,43 euros) polo que é de agardar que o prezo en España sexa duns 39,95 euros (coma God of War Collection) o que supón un importante aforro sobre o prezo das grandes novidades (69,95 euros), o que non impide que esta revisión dos xogos permitan gozar dunhas 30 horas de aventuras.