Finalmente entregáronse en Madrid os premios FICOD 2010 na feira dixital do mesmo nome, uns recoñecementos que se dirixen “a recoñecer o esforzo dos profesionais e as empresas do sector dos contidos dixitais”. A entrega de galardóns, celebrada onte nun acto oficial que contou coa presenza dos secretarios español e alemán de Estado de Telecomunicacións (Bernardo Lorenzo e Hans-Joachim Otto), tivo recoñecemento para un total de cinco empresas e entidades, salientables (segundo o xurado) por “ter visión estratéxica e de futuro”. As 113 candidaturas fican como testemuña do bo nivel de preparación, desenvolvemento e innovación dos proxectos e iniciativas presentadas este ano.
· Categoría primeira. Premio ao mellor modelo de negocio innovación para empresas start up: Pomelo TV.
· Categoría segunda. Premio ao mellor modelo de negocio innovador para empresas consolidadas: Spotify.
· Categoría terceira. Mellor proxecto para a inclusión dixital. Fundación Vodafone Española, Cruz Vermella Española e Fundación TECSOS. Pola súa iniciativa conxunta Social TV para 3G.
· Categoría cuarta. Mellor proxecto de servizos ao cidadán. Departamento de Xustiza e Administración Pública do Goberno Vasco. Proxecto: Open Data Euskadi.
· Categoría quinta. Mellor proxecto de internacioinalización. BuyVip.
Spotify e Pomelo TV, entre os premiados en FICOD 2010
Compartir Este Artigo
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
