Turgalicia cambia o emprazamento de TurisTIC en Compostela por exceso de demandas

Co obxectivo de darlle pulo entre o sector á súa nova central de reservas en liña, que conta xa con 313 establecementos rurais adheridos, Turgalicia vai comezar mañá martes, coas Xornadas de auditorías de impacto para webs turísticas TurisTIC, que organiza en colaboración con FEGATUR, AGATUR e PAZOS DE GALICIA.
A cita de mañá en Santiago de Compostela, tivo que cambiar de emprazamento por un exceso de demandas polo que pasará a celebrarse no Hotal AC, Palacio del Carmen.
Ademais de dar a coñecer as vantaxes desta central en liña, as xornadas teñen como obxectivo fomentar a comercialización e presenza dos establecementos rurais en Internet, ao tempo que intentaran solventar e crear unha simbiose entre as novas tecnoloxías e o medio rural galego, territorio de actividades dos aloxamentos rurais que compoñen o Turismo Rural.
Os relatores encargados de transmitir a información, ofreceranlle aos empresarios do sector do Turismo Rural do noso país as ferramentas necesarias para que optimicen os seus propios recursos comunicacionais e melloren a súa promoción e comercialización a través de Internet.

Vídeo promocional do evento