Os medios que apostan pola cultura dixital reciben o recoñecemento dos telecentros españois

No marco do I Congreso Internacional de Telecentros celebrado en Sevilla, no que por primeira vez se reuniron máis de 1.000 dinamizadores e dinamizadoras de todo o Estado para analizar a situación da cultura dixital en España, Ciberp@ís foi galardoada como a Mellor Publicación Espcializada en Internet, un premio que recoñece “o seu labor en prol da sociedade da información a nivel nacional e internacional”.
O xurado, composto por persoal da Junta de Andalucía, Red.es, a Fundación Esplai, o Consorcio Asturiano de Servicios Tecnológicos e a Junta de Castilla La Mancha, destacou a traxectoria da publicación, e, entre outras couas, valorou positivamente o impacto que ten nos medios online e nas redes sociais así como a profesionalidade dos seus integrantes.
Estes Premios Internacionais teñen o obxectivo de “recoñecer e visualizar o labor que se realiza en Internet para a promoción e difusión de contidos” e neste senso valoraron a actividade doutros medios como Antena 3 Tv, como a Mellor iniciativa multimedia por Vive conectado, e a Radio Nacional de España pola súa aposta pola innovación a través de Radio 5.0.
Asemade, Cibersur, a nosa publicación curmá especializada nas novas tecnoloxías recibiu o recoñecemento como mellor publicación online, e Telecentre.org foi premiada por ser a institución que máis contribuiu para o desenvolvemento dos telecentros.
Finalmente, a título persoal, o xurado recoñeceu a Nicholas Negroponte, como a persoa que máis influíu para o desenvolvemento do coñecemento.
Na imaxe, o equipo de Cibersur, galardoado nestes Premios.