A Lumix FX78 incorpora retoques fotográficos

As cámaras dixitais compactas cada vez teñen maiores prestacións que van máis alá dun sensor con moitos megapíxeles ou unha óptica de calidade, entres as que destaca especialmente a Panasonic Lumix FX78, que incorpora retoques fotográficos na propia cámara que buscan tratar o ton de pel, reducir os brillos, estirar a cara, agrandar os ollos, facer máis brancos os dentes, aplicar sombra de ollos, modificar a cor dos beizos… converter unha fotografía ordinaria nunha imaxe que pareza saída dunha revista de moda. Os efectos en cuestión están incorporados nos modos Beauty Retouch e Cosmetic.
A Panasonic Lumix FX78 ten un sensor de 12 Mpíxeles, zoom óptico de 5x, sensibilidade ISO 1.600, gravación de vídeo Full HD e modo 3D simulado, polo que estamos ante unha cámara con boas prestacións, de xeito que os curioso modos de retoque fotográfico serían un simple complemento para marcar a diferenza nunha categoría de produto na que cada vez hai máis competencia.