Samsung presenta un televisor 3D de 75 polgadas

Samsung presentou en Corea do Sur a pasada fin de semana un novo televisor Smart TV, o Samsung D9500, que impresiona por contar cunha pantalla de 75 polgadas compatible con lentes activos 3D, podendo amosar imaxes Full HD cunha velocidade de refresco de 240 Hz. O D9500 conta cun panel Black Diamond, conectividade Wi-Fi e soporte de aplicacións, polo que inclúe un mando a distancia con teclado QWERTY, facilitando o uso destas funcionalidades (para escribir correos electrónicos, navegar pola web ou manexar o resto de prestacións propias da liña Smart TV).
O prezo deste televisor (que poderá comezar a encargarse a finais de mes, agardándose a súa distribución internacional para o verán) será de 19.000.000 wons (12.284,54 euros).