Google adquire o dominio g.co para abreviaturas

O xigante americano Google, que semella estar disposto a comprar todos aqueles servizos que teñen éxito na Rede, vén de adquirir o dominio g.co por un millón e medio de dólares, o equivalente a máis dun millón de euros. A súa intención é garantir o sistema de abreviación de direccións de seu, do cal asegura, “todas remitirán a un sitio propiedade de Google”. Así o afirma no blog onde publica a adquisición, onde tamén lembra que en 2009, a empresa xa lanzara o servizo de abreviatura de direccións goo.gl. O dominio de primeiro nivel .co pertence a Colombia e é xestionado por unha empresa privada.