Os xogos de God of War para PSP estrean hoxe conversión para PS3

Hoxe chega ás tendas españolas God of War Collection Volume II, un paquete que recolle os xogos de PSP God of War: Chains of Oympus e God of War: Ghost of Sparta remasterizados en alta definición para a PlayStation 3, de xeito que completan a saga de Kratos na consola de sobremesa de Sony, de xeito que na PS3 xa é posible xogar aos 5 títulos que narran as aventuras da Pantasma de Sparta.
Os xogos desta recompilación só podían gozarse na PSP, polo que os seareiros de Kratos que non gustaban de consolas portátiles perdíanse unhas historias que responden a grandes misterios e preguntas que xurdiran nos xogos de PS2 e PS3. Cómpre destacar que estas revisións dos xogos de PSP veñen nun único disco Blu-ray e soportan televisores 3D, o mando sen fíos DualShock 3 e os trofeos de PlayStation Network, tendo un prezo de venda recomendado de só 39,99 euros, polo que podemos considerar a este produto case nun imprescindible instantáneo.