O Señor dos Aneis terá logo de LEGO no outono

No outono deste ano vai chegar en versións para Xbox 360, PlayStation 3, Wii e Nintendo 3DS o videoxoxogo LEGO The Lord of the Rings, do que veñen de estrear un trailer de adianto durante a celebración da Gamescom de Colonia, para que así poidamos facernos unha boa idea do que ofrecerá este título que sorprende por permitir controlar a un total de 85 personaxes, entre os que hai varios que no saíron nas adaptacións ao cine da obra de Tolkien.
A historia sitúase na Segunda Era, e ofrecerá unha recreación completa de toda Terra Media baseándose nos mapas e a información das novelas orixinais de Tolkien, de xeito que poderemos percorrer dende Rivendell ata Moria, viaxe que podemos facer a pé ou a cabalo, aínda que tamén teremos a opción de viaxar de xeito instantáneo (para os máis impacientes).
O que si tomará das películas o xogo serán os diálogos, para o que o xogo contará coas voces dos actores orixinais (como Viggo Mortensen e Orlando Bloom) detalle que aínda non sabemos como quedará na súa versión española. Vemos así que este título vai seguir a liña de LEGO Batman 2, con personaxes de LEGO que xa son quen de falar, o que failles perder parte do seu encanto, pero contribúe a narrar historias máis complexas.

Trailer do xogo estreado durante a Gamescom