O ano que vén rematará a triloxía de Final Fantasy XIII con Lightning Returns

Os seareiros da saga Final Fantasy van ter motivos para celebrar o 25º aniversario desta franquía de Square Enix, que no Xapón vai aproveitarse para lanzar unha recompilación chamada Final Fantasy 25^th Anniversary Ultimate Box que por 35.000 iens (uns 356 euros) incluirá en decembro os xogos desta serie para as 3 consolas domésticas da marca PlayStation xunto con numerosos contidos adicionais, pois estes días confirmouse que están traballar en Lightning Returns: Final Fantaxy XIII, título que poría fin á triloxía de Final Fantaxy XIII.

Polo momento xa confirmaron que o personaxe protagonista (Lightning) terá numerosas opcións de personalización que irán máis aló de modificacións estéticas e terá un control máis dinámico, que a aventura desenvolverase nun mundo que funciona en tempo real e que chegará a Xbox 360 e PlayStation 3 o ano que vén. Tamén amosaron numerosas imaxes de arte conceptual do xogo, xunto con outros detalles sobre a creación deste novo xogo do que saberemos máis nos vindeiros meses.