Os Transformers visitan as nosas rúas para promocionar o seu último xogo

Activision decidiu promocionar o xogo para Xbox 360, PlayStation 3 e PC Transformers: La Caída de Cybertron dun xeito bastante orixinal, creando unha páxina web na que os seareiros dos robots transformables poden introducir o seu enderezo no mundo real para ver como, aproveitando a tecnoloxía do Google Street View, poidamos ver un combate entre Grimlock, o líder dos Dinobots, e Shockware, o xenio científico dos Decepticons.
Este tipo de promoción busca acadar impacto viral, instando aos visitantes a compartir o vídeo co combate na súa rúa ou nalgún outro lugar destacable a través de Facebook e Twitter (co hashtag #TransformersOnYourStreet), aínda que resulte un tanto raro ver que os turistas non foxen da Praza do Obradoiro cando 2 robots xigantes a empregan como campo de batalla.