Xorden imaxes do HTC Deluxe DLX

Hai preto dun mes comentabamos que HTC estreaba no Xapón un smartphone con pantalla Full HD de 5 polgadas, de xeito que superaría sobradamente a definición da pantalla Retina do iPhone 5 e tampouco quedaría curto en prestacións: sistema operativo Android 4.1 con HTC Sense 4+, procesador Snapdragon S4 Pro de catro núcleos a 1,5 GHz, 2 Gb de RAM, 16 Gb de almacenamento interno (ampliable mediante tarxetas microSD), cámaras de 8 e 2,1 Mpíxeles, Wi-Fi N, Bluetooth 4.0, NFC, LTE, batería de 2.020 mAh, 9,1 milímetros de grosor e 140 gramos de peso, que colocaría o listón bastante alto, e do que agora vemos fotografías do que parece ser a súa versión internacional, o HTC Deluxe DLX, que ao parecer presentarase o vindeiro 6 de decembro.
Posiblemente este novo móbil de alta gama e impresionantes características poderá verse na vindeira edición do Mobile World Congress de Barcelona, colocándose entre os novos móbiles insignia para a primeira metade de 2013.