Huawei venderá un smartphone con pantalla de 4,5 polgadas a un prezo moi axustado

Aínda que durante as últimas semanas dende Huawei centráronse en amosar que son capaces de producir smartphones de alta gama, non están a abandonar as súas liñas máis económicas, entre as que poden sorprender terminais como o Huawei G520, por conseguir conter o seu prezo pese a contar cunhas prestacións máis que aceptables.
O novo smartphone chinés funciona cun procesador Mediatek Mt6589 de catro núcleos a 1,2 GHz, 512 Mb de RAM, pantalla IPS de 4,5 polgadas e cámara traseira de 5 Mpíxeles, que chegará ás tendas chinesas o vindeiro día 21 a un prezo de só 1.399 iuans (169,18 euros), o que sorprende nun terminal con tal tamaño de pantalla.