Un xogo independente estréase simultaneamente en Windows 8, Windows Phone 8 e Xbox 360

Nos últimos anos afixémonos a ver como moitos videoxogos optaban a lanzarse en iOS e Android como estretexia multiplataforma, pero en breve poderemos ver xogos que decidan seguir un camiño diferente, o marcado por Microsoft, e que o desenvolver independente 17-BIT está a pór a proba co lanzamento de Skulls of the Shogun, título que estreouse onte simultaneamente para Windows 8 por 8,49 euros, Windows Phone 8 por 4,99 euros e Xbox 360 por 1.200 Microsoft Points (prezos de promoción de lanzamento), ou sexa, que o mesmo desenvolvemento pode adaptarse dun xeito relativamente doado a ordenadores, tablets e smartphones co sistema operativo de Microsoft, permitindo incluso o xogo cruzado nos modos multixogador para 2-4 xogadores (ou incluso para que un único xogador poida saltar entre plataformas para continuar as súas partidas).

Skulls of Shogun combina a táctica por quendas e a acción estilo arcade, con entre 8 e 10 horas de campaña épica (con grande carga de humor) e procurando recuperar a diversión de pasadas xeracións de xogos, con elementos tácticos, acción frenética e animacións e gráficos moi rechamantes.
O xogo chega localizado ao inglés, francés, italiano, alemán, español, coreano, xaponés, portugués (de Portugal e Brasil) e ruso.

Trailer do xogo