Galicia pechou 2012 co 95% da poboación con cobertura de Internet

Tras detectarse en 2010 que só un 72% da poboación tiña cobertura da Internet e que a banda larga non chegaba a todos os centros públicos nin polígonos industriais, a Xunta de Galicia iniciou o Plan de Banda Larga 2010-2013, tutelado pola Axencia para a Modernización Tecnolóxica de Galicia (AMTEGA), buscando dotar a todos os galegos da posibilidade de conectarse á Rede a unha velocidade superior aos 2 Mbps e impulsar as redes de nova xeración, e agora que comezamos 2013 aproveitan para botar a vista atrás e facer balance, detectando que o Plan pechou o pasado ano adiantándose aos seus obxectivos superando o 95% da poboación con cobertura da Internet, de xeito que chegouse a posibilidade de acceso á Rede a máis de 636.000 galegos dos 786.000 que carecían da mesma.

No 2013 o Plan de Banda Larga completará os despregamentos de redes fixas e sen fíos que permitirán superar o 97% de poboación con cobertura da Internet e chegar ao 3% restante, que habita nas zonas máis illadas de Galicia, vía satélite. Cumprirase así a directriz da Axenda Dixital Europea de que todos os cidadáns teñan acceso a banda larga en 2013. O obxectivo é iniciar o 2014 cunha Galicia totalmente conectada e que máis de 1,3 millóns de galegos poidan facer uso das redes de nova xeración.