Skylanders supera os 1.000 millóns de dólares en vendas

A fórmula de mesturar videoxogos con xoguetes físicos parece estar a acadar un éxito rotundo, especialmente no caso da franquía Skylanders, que con só 2 entregas (Skylanders Spyro’s Adventure e Skylinders Giants) conseguiu superar os 1.000 millóns de dólares en vendas a nivel mundial en só 15 meses, chegando incluso a superar os seus xoguetes en EE.UU. e Europa as vendas doutras franquías de grande éxito como Beyblades, Star Wars e Transformers.

Actualmente Skylinders pode considerarse como a primeira propiedade intelectual infantil a nivel de negocio, que no ámbito dos videoxogos (sen ter en conta o rango de idade do seu público) quedaría só detrás de Call of Duty e FIFA no mercado europeo (mentres que a nivel mundial tivo que conformarse cun 4º posto).
Para continuar nesta senda no outono chegará Skylanders SWAP Force, xogo que contará con 16 personaxes SWAP Force, 32 personaxes core de Skylanders (16 completamente novos e 16 presentados como revisións dos personaxes máis populares dos anteriores xogos) e 8 novos personaxes LightCore.

Skylanders SWAP Force chegará no outono