BlackBerry comercializa un altofalante Bluetooth que pode funcionar como mans libres

Para poder gozar dunha boa reprodución musical no móbil sen ataduras existen numerosos altofalantes Bluetooth, entre os que pode sorprender que teña boa calidade pese ao seu reducido tamaño o Mini Stereo Speaker de BlackBerry, que pese a vir dun fabricante de smartphones en concreto é compatible con practicamente todos os smartphones do mercado, e que ten un formato (clip) que facilita o seu transporte e que pode colocarse tamén sobre o escritorio ou a mesa de noite.
Este altofalante está optimizado para funcionar tamén como mans libres para o móbil (integra tecnoloxía de redución de ruído e cancelación de eco) e pode conectarse a 2 smartphones á vez (podendo operar simultaneamente como altofalante musical e sistema de mans libres).
O seu prezo de venda oficial é de 99,99 euros, aínda que pode conseguirse un pouco máis barato, toma a corrente por micro-USB, conta cunha entrada de audio estéreo de 3,5 mm, mide 8,9 x 5,8 x 2,7 centímetros e pesa 98 gramos.