Confírmase que no outono teremos en Europa o xogo de Phoenix Wright para Nintendo 3DS

Aínda que a saga de Phoenix Wright non é moi popular fóra do Xapón, ten seareiros por todo o mundo, de aí que Capcom anuncie que a súa quinta entrega vai chegar a Europa e EE.UU. o vindeiro outono nunha versión descargable para Nintendo 3DS que levará por título Phoenix Wright: Ace Attorney – Dual Destinies, e que supón o regreso aos xulgados de Phoenix Wright tras pasar 8 anos afastado, comezando a acción nunha sala de xulgado destrozada, tendo que investigar Wright e o seu equipo o acontecido alí.
Os xogadores terán que enfrontarse nos xulgados a Gaspen Payne, irmán pequeno de Winston Payne (personaxe de anteriores entregas da saga). Este título conservará a mecánica habitual da saga, pero estreará gráficos 3D, que serán especialmente destacables nos escenarios do crime que hai que investigar.
Para axudar a Phoenix Wright estarán Apollo Justice e Athena Cykes, destacando esta última por ser quen de psicoanalizar ás testemuñas, introducindo un novo elemento aos procedementos, o que pode axudar a detectar contradicións, enriquecendo así o xogo.
O xogo xa cun co seu trailer: