Windows Phone estrea 4 novos xogos no seu catálogo

A tenda de aplicacións de Windows Phone viviu hoxe unha xornada moi movida, con varios xogos de Electronic Arts que deixaron de ser exclusivos para terminais de Nokia e con algunhas importantes novidades dentro desta primicia da familia Lumia. Os xogos que agora pasan a estar dispoñibles para todo usuario de Windows Phone por 2,99 euros cada un serían Parking Mania, The Game of Life, SPY Mouse e Trivial Pursuit, mentres que os títulos que en primicia para móbiles Lumia son Real Racing 2 a un prezo de 4,99 euros, Tiger Woods 12 (2,99 euros), NBA JAM (2,99 euros) e Mass Effect: Infiltrator (6,49 euros).
Estas novidades contribúen a reforzar o catálogo de xogos para Windows Phone, achegando títulos que xa tiveron bastante éxito noutras plataformas, e aínda que dos novos xogos Tiger Woods 12, NBA JAM e Real Racing 2 son compatibles con Windows Phone 7.x e 8, no caso de Mass Effect: Infiltrator, xogo de acción en terceira persoa que amosa uns gráficos 3D detallados, limita a súa dispoñibilidade a Windows Phone 8 (entendemos que para limitar a súa saída a terminais máis potentes, marcando o seguinte salto para xogos de Windows Phone). O que si teñen os catro novos xogos estreados hoxe é o selo Xbox, de xeito que poden gozar de funcionalidades da plataforma de xogos de Microsoft, como logros e paneis de puntuación en liña.