Asus presenta un rato sen fíos que integra un touchpad circular

Aproveitando a celebración do Computex en Taipei, Asustek presentou varios dos seus novos dispositivos, entre os que destaca especialmente o VivoMouse, un rato sen fíos con touchpad multi-táctil, de xeito que sería un dispositivo de control moi funcional, que tanto poderiamos utilizar como rato no escritorio informático como empregalo a xeito de mando a distancia durante presentacións profesionais ou en usos máis lúdicos (pensando en ordenadores no salón da casa).
O Asus VivoMouse funciona como un rato óptico estándar, á vez que a súa superficie superior táctil circular fai de orixinal touchpad compatible cos xestos táctiles de Windows 8, que grazas ao seu deseño ergonómico e á súa conectividade sen fíos pode empregarse comodamente cunha man, destacando tanto polas súas posibilidades prácticas como pola súa atractiva aparencia externa.