Capcom en colaboración con Wizards of the Coast vén de recuperar un par de xogos dos que moitos seareiros de Dungeons & Dragons gardan bo recordo, o clásicos de recreativa Dungeons & Dragons: Tower of Doom e a súa secuela Dungeons & Dragons: Shadow over Mystara, recompilados con gráficos adaptados para a alta definición baixo o título de Dungeons & Dragons: Chronicles of Mystara, recuperando este estilo de xogo de rol de acción con desprazamento lateral que permite xuntar ata a 4 usuarios á vez (tanto en local como en liña) que poderán cooperar para derrotar aos moitos e variados inimigos que aparecen en pantalla.
D&D: Chronicles of Mystara pode adquirirse xa en formato descargable para Xbox 360, PlayStation 3 e PC (Steam), a un prezo de 1.200 Microsoft Points, 14,99 e 13,99 euros respectivamente, contando con versión de demostración nos 3 casos e agardando que máis adiante goce tamén dunha versión para Wii U.
Trailer de lanzamento de Dungeons & Dragons: Chronicles of Mystara
Capcom recupera os xogos de recreativa de Dungeons & Dragons
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
