En 1989, antes incluso do lanzamento do seu célebre Street Fighter II, Capcom trunfou en máquinas recreativas cun xogo de acción de desprazamento lateral chamado Strider, no que controlamos a un ninja de alta tecnoloxía nun futuro distópico, que chegou a ter secuelas (a última chegou no ano 2000 á primeira PlayStation) e que, no marco da Comic-Con de San Diego, anunciaron que vai rexurdir a primeiros do ano que vén para Xbox 360, Xbox One, PlayStation 3, PlayStation 4 e PC, con gráficos en alta definición e unha xogabilidade frenética como permiten as plataformas domésticas actuais.
O novo xogo adopta unha perspectiva lateral, con certo nivel de profundidade (no que dan en chamar dúas dimensións e media) e con gráficos modelados en 3D e grandes efectos visuais. Permitirá derrotar a multitude de inimigos a grande velocidade, vivir escenas de acción trepidante e recuperar a fórmula que convertera ao xogo de recreativa orixinal nun éxito que promete repetirse.
Vídeo no que podemos ver en acción o novo Strider
Capcom resucitará o seu clásico Strider a primeiros de 2014
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
