Phil Fish cancela subitamente FEZ II

Un dos xogos independentes que máis deu que falar nos últimos anos foi FEZ, título desenvolvido polo Phil Fish, quen en numerosas ocasións ten feito polémicas declaracións sobre a situación da industria dos videoxogos e que actualmente estaba involucrado no desenvolvemento da secuela do seu grande éxito (que tras un ano sendo exclusivo para Xbox 360 está a levarse a novas plataformas con grande fortuna) que vén de verse abruptamente conxelado, segundo podemos ler nunha declaración publicada na súa páxina web.
“FEZ II cancelouse. Fíxeno. Collín os cartos e marchei. É máis do que podo dixerir. Non é o resultado dunha única cousas, pero é o fin dunha longa e sanguenta campaña. Gañastes” son as palabras de Phil Fish, que parece desafogar así de meses de críticas que non parece saber asumir. Ao parecer os comentarios en certos medios especializados (como GameTrailers) e a través de Twitter ofenderon seriamente a Fish, que decidiu botarse a un lado abandonando o desenvolvemento de FEZ II, o que non parece ser unha decisión temporal.

FEZ é un dos xogos independentes mellor valorados dos últimos anos, do que desafortunadamente non veremos unha segunda entrega