Os afeccionados aos móbiles de grande tamaño que non precisen do uso de lapis dixitalizador, nin sexan tan esixentes como para adquirir un GALAXY Note 3, teñen agora unha nova opción, o Samsung GALAXY Grand 2, un tabletófono con pantalla de 5,25 polgadas cunha resolución de 1.280 x 720 píxeles, que pode resultar ideal para a reprodución de contidos multimedia, os xogos e a lectura, e que como outros dispositivos de Samsung tamén permite o uso de multitarefa distribuída en fiestras para aproveitar o grande tamaño da súa pantalla.
O GALAXY Grand 2 funciona cun procesador de catro núcleos a 1,2 GHz, ten 1,5 Gb de RAM, 8 Gb de almacenamento interno (ampliable mediante tarxetas microSD de ata 64 Gb), cámaras de 8 e 1,9 Mpíxeles, Wi-Fi N, Bluetooth 4.0, batería de 2.600 mAh, un grosor de 8,9 milímetros e un peso de 163 gramos, incluirá Android 4.3 e porase á venda en breve en branco, negro e rosa.
O Samsung GALAXY Grand 2 chega cunha pantalla de 5,25 polgadas
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
