Os xogadores de PC poden comezar a celebrar hoxe o inicio das rebaixas da tenda de xogos descargables Steam, que nestas datas realizará distintas ofertas que se dividen en dúas categorías: ofertas diarias (que mudan cada 24 horas) e ofertas flash (actualizadas cada 8 horas). Deste xeito, os usuarios desta plataforma dixital vense forzados a visitar a súa páxina web con máis frecuencia que de costume, véndose tamén tentados a adquirir algún dos grandes xogos do ano ao velo con descontos significativos.
Por exemplo, hoxe podemos adquirir os xogos Bioshock Infinite, Dishonored e Dead Island cun 75% de desconto, Metal Gear Rising: Revengeance cun 33% de desconto (sorprendendo especialmente este último caso por ser un xogo que aínda vai estrearse en PC o vindeiro 9 de xaneiro) e Batman Arkham Origins a metade de prezo. Outro dos atractivos destas compras é que durante estes días Steam está a ofrecer aos seus clientes obxectos virtuais coleccionables exclusivos (cromos, bolas de neve e recompensas), o que pode ser un interesante incentivo para os usuarios con afán coleccionista.
O período de rebaixas de Steam desenvolverase ata o 3 de xaneiro.
Steam inicia o seu período de rebaixas
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
