O último Modern Combat eleva o listón dos FPS para dispositivos móbiles

Gameloft leva un tempo comercializando xogos da saga Modern Combat cos que pretende demostrar que os shooters en primeira persoa poden ter certa calidade en dispositivos móbiles, e coa última entrega, Modern Combat 5: Blackout parecen progresar adecuadamente, ofrecendo acción frenética e unha aparencia espectacular en versións para iOS, para Android (á venda cada unha por 5,99 euros), para Windows Phone e para Windows 8 (á venda estas últimas dúas versións de xeito conxunto por 6,99 euros), e fuxindo da tendencia actual do free-to-play para optar por ofrecer o xogo a un prezo moderado en vez de vendelo de balde para bombardear ao usuario con micro-pagamentos.
Modern Combat 5: Blackout é un intenso FPS no que poderemos xogar tanto a unha campaña individual con numerosas misións aderezadas con escenas cinemáticas coidadas, un modo multi-xogador de grande potencial (con combates por equipos en partidas Pelotón contra Pelotón, chat global e de pelotón, clasificacións individuais e de pelotón e eventos de tempo limitado para gañar recompensas), progreso unificado e controis altamente personalizables. Poderemos elixir entre 4 clases personalizables (soldado, artilleiro, rastrexador e francotirador) e activar habilidades específicas de clase gañendo e utilizando puntos de habilidade.