Dende a iniciativa Humble Bundle parecen querer deixar claro que non descansan durante o verán e, de feito, parecen máis activos que nunca, e tras estrear onte unha magnífica selección de xogos para PC cargados con contidos adicionais, hoxe renovan o seu lote de xogos para Android con varios títulos de SEGA, dos que a metade poden conseguirse pagando o que se desexe, mentres que a selección completa pode conseguirse con pagar máis da media (3,8 dólares). O Humble SEGA Mobile Bundle contribuirá coas causas benéficas Child’s Play Charity, WaterAid e Unicef.
Os xogos básicos deste lote son Sonic 4 Episode I (valorado en 2,66 euros), ChuChu Rocket (valorado en 1,04 euros) e Virtua Tennis Challenge (valorado en 4,39 euros); mentres que os que paguen máis da media poderán descargar Sonic & SEGA All-Stars Racing (valorado en 3,55 euros), Sonic 4 Episode II (valorado en 2,66 euros), Crazy Taxi (valorado en 4,49 euros) e algún xogo máis que se engadirá nunha semana. Temos así unha selección de xogos para Android valorada en 18,79 euros que pode conseguirse por uns 2,87 euros, o que agradecerán os seareiros dos xogos de SEGA.
Vídeo promocional do novo lote de xogos de SEGA para Android
Humble Bundle oferta varios xogos de SEGA para Android
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
